كلمات حياة الراب

من طرف **أبوصبحي** الأحد 29 أغسطس 2010, 12:48 am

طريق الراب طريقو طويل لازم تكون قده أو خليك بعيد
حاول تصير عالي بس لا تضلك قصير
حاول وما حتخسر ولا شي لما تطير
______
[ Part 1 ]
دخلت الراب أنا من سنتين – بديت كلماتي وكان العنوان كلمتين
كلمتين كلمتين كونت كلمات - وخليت الصرخة اللي قدامي تصير صرختين
ناس شجعوني وناس بهدلوني- بس بيضل الراب اللي في راسي طالع حبتين
بطلع الكلمات من الحالات اللي حوالي – لا تسألني من وين بخلق كلماتي لأني ما بعرف من وين
بزبطهم كلماتي وبخليهم على اللحن عشان للبيسمعهم يصير انسين
ما بتقدر تقول أنا صاير كبير بتضلك انت تحت ولسا باقيلك خطوتين
لا تكبر خطوتك وخليها قد رجلك لانو كل خطة حتسويها لها فايدتين
اختار ستايلك واختار كلماتك وابدأ مع لحنك أحسن من لحنين
[Part 2 ]
لقيت وشفت من صحابي التشجيع – قالولي وشجعوني على أنو رابي فظيع
كملت بطريقي وشفت اللي ما حد شافو – وضليتني ماسك بستايلي أحسن أنو ما يضيع
كملت الكلمات وكملت الدسات و حاولت أوصل فكرتي من خلال المنتديات
بس ما لقيت الاعجاب وصرت أسمعهم للشباب عجبهم كل شي بالأغاني وخصوصا الكلمات
عشت اللي ما حد عاشو وشفت اللي ما حد شافو – وضليتني متمسك بأغانيي ونزلت باالدسات
ما عرفت شو معنى الحياة الا من بعد ما شفت الأصحاب , عرفت وفهمت أنو مش انا بس اللي عايش بالظلمات
لو نزلت الراية اللي بأيدي حرفع مكانها رايات , لو غطلت بكلمة من اللي عندي ححط مكانها كلمات
حضلني واقف مكاني حتى لو تغير الزمن – و أي واحد بيجرب يقرب رح يدفع الثمن

[Part 3 ]
بغني وأنا لساتني واقف مكاني هون , حاولت أعتزل بس مسكت الميكروفون
حاسس أنو ما حقدر أوقف لأنو مكاني هون
واجهت المشاكل بس ما قدرت توقفني – عشت الأفراح وقدرت تصرفني
قلت لحالي يمكن هيا تعرفني بس عرفت أنو طريقي بيضلو منور حتى لو ظلم
---
كمل ولا تستسلم حتى لو ما قدرت تبتسم
هذي طبيعة الحياة ما بتقدر تغيرها
بتضلها متل ما هيا الا لو قدرت تسيرها
لازم تقول وتفكر تركز على هدفك و لا تحاول تحيرها
حتكتب روايتك وحتكتب نهايتك – بس لازم تعطيها الأحلى من البداية
عشان تفهمها وتعرف كيف تنهيها – الأحلى بالموضوع لما تخلص النهاية
بتحس حالك أنك أنت كبرت بالموضوع – وأنت بهالوقت ماسك الراية
متل ما قلت خليك صاحب الحكاية – عشان يوم تسمع اسمك تعرف أنك برعت بالرماية
هاي هيا خلاصة الموضوع لازم تعرف كيف تعيشها – هذي الحياة باختصار الرواية
فيك تقدر تتطلع حوليك وتعرف المخبى بالزوايا – دايما في كل مكان بتلاقي الها غاية
فكر فكر ضلك بكل شي حيصير – لأنك ما بتعرف شو المخبيلو المصير
هل سأعتزل أم سأسير – هيدا اللي لازم تحطوا بعقلك وتضلك عليه بالتفكير

ومشكووور