ما رايك في الاستهزاء بالاخرين

من طرف **عائدون** الجمعة 29 أبريل 2011, 12:19 pm

ما رايك في الاستهزاء بالاخرين

مارأيك بمن يحرجك...ثم يقول امزح معكـ ؟
ما رأيك بمن: يشتمك ,,, يسخر منك ,,, ويجرحك ,,, ثم يقول " هههه امزح معكـ " ؟؟!!
لاشك ان جميعنا او أغلبنا يحب الضحك والمرح ويحب ان يبتسم
بروح الدعابة مما يضفي جو البهجة والسرور في قلوب وعقول من يصادقه ...
لكن هل كل ضحك مباح وكل مرح فى محله؟؟

هنـــا السؤال؟
ماهي حدود المزح بين البعض؟
يعني لازم في كل وقت نستخف بدمنا؟؟
ما نصيحتك لمن يمزح ليصل لجرح مشاعر غيره بإسلوبه
الساخر الذى يصل لحد عدم اللياقة والبغض ؟؟

ما نصيحتك لمن يتقبل هذة الطريقة فى المزاح ؟؟

و ما رايكم بهؤلاء الأشخاص الذين يمزحون في كل الأوقات
وحتى التي تتطلب الجد ومنهم هؤلاء
الذين يجرحون ويشتمون ثم وبكل وقاحة يوجهون لك هذه العبارة
( امــــزح مـــعـــك) ..!!
هل يدخل المزاح في الشتم والتجريح ؟!!

هذي المواقف كثير منتشره عندنا وحبيت اعرف رايكم فيها .?

قول النبي صلى الله عليه وسلم :: لا تكثر الضحك ، فإن كثرة الضحك تميت القلب::

من طرف **ورود الحياه** الجمعة 29 أبريل 2011, 9:40 pm

انا شخصيا انتقد كل من يستهزء احد سواء كان اخا له ام صديق له ام مجرد احد ما لا يعرفه لمجرد ما يراه ينتقده ,,
وهذا موقف جدا مستفز ,,واكيد كل واحد فينا تعرض لهيك موقف
و في هيك موقف الواحد لازم يضبط اعصابو و يحاول قدر الامكان السيطرة على نفسه لكن انا شخصيا ما بقدر انو اسكت على شي بينحكى عني يعني اللي بقلبي على لساني بس طبعا بحاووول التزم حدودي قدر الامكان و طبعا بدون تجريح لمشاعرهم ايا كانوا ,,,
لكن سؤالك اخي
ما رايك في الاستهزاء بالاخرين

مواقف جدا مكروهاااا اتمنى من الجميع و من كل الناس انو يبطلوا هلعادة لانها عنجد مكروهة و مستفزة و ممكن بهيك مواقف نجرح اشخاص قريبين منا كتير ممكن بدون ما نشعر فليهك يجب الابتعاد عنها ,,,

ماهي حدود المزح بين البعض؟

برايي المزح مو بكل وقت انما لكل وقت شي سواء مزح او جد او دراسة اي شي ,,,و يجب ان يكون المزح بحدود و ما يكون مزح تقيل كتيييير لانو ممكن
انو الشخص ما يتحمل و ممكن نجرحو بلا قصد ,,,ومش واحد يكون زعلان كتير نروح نمزح معو مزحة عيار تقيل و بدل ما نكون كحلناها عمناها متل ما بيقولوا هههه
يعني لازم في كل وقت نستخف بدمنا؟؟

اكييييد لااااااا
ما نصيحتك لمن يمزح ليصل لجرح مشاعر غيره بإسلوبه
الساخر الذى يصل لحد عدم اللياقة والبغض ؟؟

انو ما يحكي شي بيكون احسن هههههههه

ما نصيحتك لمن يتقبل هذة الطريقة فى المزاح ؟؟

انو ازا هو متقبل و بيقدر على اي نوع من المزح هو حر ,,,بس نصيحتو الو لا تسمح لاي حد يمزح معك هيك لانو ممكن شي يوم يحكي كلمة تزعجك كتييييييير و ما تقدر تقلو ليش بتحكي هيك اقل كلمة رح يقولها الك عادي ما انا دائما بحكي معك هيك لهيك لا تسمح لحد يمزح معك هيك
وان شاء الله تكون رسالتي وصلت ,,,
ما رايك في الاستهزاء بالاخرين 3696926579

ما رايك في الاستهزاء بالاخرين 3696926579

شكرا لك اخي عائدون على طرحك الهااام و الرائع
طرحت فابدعت و الى الامااااام
سلمت يمناك على ما سطرت اناملك
تقبل مروري

من طرف **أبو خالد** الثلاثاء 28 يونيو 2011, 4:38 pm

أشكرك أخي عائدون على موضوعك الرائع
وأجيب على أسئلتك
ماهي حدود المزح بين البعض؟
حدود المزح أن لا تتعدى الحرية الشخصية ولا الأسرار الخاصة
يعني لازم في كل وقت نستخف بدمنا؟؟
طبعا لا لأننا لا نكون في كل الأوقات جاهزين للمزاح
ما نصيحتك لمن يمزح ليصل لجرح مشاعر غيره بإسلوبه
الساخر الذى يصل لحد عدم اللياقة والبغض ؟؟
أنصحه بأن يتخيل نفسه مكان الشخص الآخر
ما نصيحتك لمن يتقبل هذة الطريقة فى المزاح ؟؟
أنصحه بأن يضبط نفسه ويرد بطريقة مؤدبة ولكن لا تسمح له بالمتابعة
و ما رايكم بهؤلاء الأشخاص الذين يمزحون في كل الأوقات
وحتى التي تتطلب الجد ومنهم هؤلاء
الذين يجرحون ويشتمون ثم وبكل وقاحة يوجهون لك هذه العبارة

( امــــزح مـــعـــك) ..!!

هل يدخل المزاح في الشتم والتجريح ؟!!
طبعا لايدخل المزاح بالشتم وليكن المزاح بأدب فيكون أخف وأكثر قبولا للآخرين

من طرف **D@rkDr@gon** الثلاثاء 28 يونيو 2011, 8:41 pm

يعني الصراحة الحكي هاد ذكرني بشخص صديقي
مزوح كتير بس بتقلها يعني بكل شي

منكون بالحصة الدرسية بتمسخر ع الاستاذ
منكون عم نحكي بموضوع جدا بصير يمزح ويستهزأ
حتى اذا واحد بحكي نكتة بتمسخر ع صاحب النكتة
اديش من صحابي تخانقو معو من ورا حكيو ومحو التقيل

هاي أخدت مثال من الواقع
وانا بالنسبة الي بحاول تكون علاقتي معو خفيفة رسمية
لأني من النوع الي ما بتحمل مزح تقيل

بس ان كان ولا بد وهالشخص مُصر انو يضل هيك
بقلو الي بمزح بدو يتحمل مزح
الا ما يجي يوم وحدا يمزح معو مزحة من العيار التقييييييل
ويمكن اكون انا هاد ال(حدا)

مشكووووووور اخي عائدوووون
فعلا موضوع كتير مهم
وهالشغلات بتحصل كتير ولازم تخف

دمت بود

من طرف **طارق** الثلاثاء 28 يونيو 2011, 11:21 pm

أولا أشكر الأستاذ عائدون لأن هذه النقطة متفشية في المجتمع

ماهي حدود المزح بين البعض

" كل شي يزيد عن حده فيقلب ضده " فمن المؤكد أن لكل شيء حدود ولا ينبغي لأي أحد أن يتجاوز هذه الحدود
مهما كان مقرب فحتى في الطعام عندما يكثر الإنسان منه يتأثر سلبيا لذلك هناك نقاط لا يجب علينا التماسها
أثناء المزاح والتي أكثرها شيوعا هو الإستهزاء فأغلبنا للأسف يعتقد أنه لا يتحقق المزاح الا بالإستهزاء فيضع أحد الضحايا محورا لموضوعه ويبدأ
وأعتقد أن هذا النوع من الناس عندما يقوم بهذه التصرفات فهو بنظره قد أنجز شيء على عكس الواقع تماما

يعني لازم في كل وقت نستخف بدمنا؟؟

حقيقة لا من المخزي أن نستخف بدمائنا في كل الأوقات لأنه في بعض الأحيان قد تقلب الى مشكلة حقيقية بين بعض الأفراد

ما نصيحتك لمن يمزح ليصل لجرح مشاعر غيره بإسلوبه
الساخر الذى يصل لحد عدم اللياقة والبغض ؟؟

أود أن أنصحه بالتفكير بأن يضع نفسه بذلك الموقف الذي سوف يضعه للشخص فيه ومدى تأثيره سلبيا
والى أي حد سوف يحقد على ذلك الشخص

ما نصيحتك لمن يتقبل هذة الطريقة فى المزاح

لا أريد أن أعلق على هذا السؤال حرصا على المشاعر

و ما رايكم بهؤلاء الأشخاص الذين يمزحون في كل الأوقات
وحتى التي تتطلب الجد ومنهم هؤلاء
الذين يجرحون ويشتمون ثم وبكل وقاحة يوجهون لك هذه العبارة
( امــــزح مـــعـــك

أن يقف الإنسان موقف سخرية واستهزاء غالب الأحيان فهذا يدل على ضعف شخصيته
وهذا بنظري انسان فاشل في حياته

هل يدخل المزاح في الشتم والتجريح

أكيد لا فقد كان رسول الله صلى الله عليه وسلم يمزح وأعتقد هذا كافيا

وأسف للإطالة

ما رايك في الاستهزاء بالاخرين

ما رايك في الاستهزاء بالاخرين

رد: ما رايك في الاستهزاء بالاخرين

رد: ما رايك في الاستهزاء بالاخرين

رد: ما رايك في الاستهزاء بالاخرين

رد: ما رايك في الاستهزاء بالاخرين