امثال شعبيه فلسطينيه

1- جوا الدار قردة وبرا الدار وردة
2-طبخته على النار وعينه على طبخة الجار
3-قلل طعامك تحمد منامك
4-نام دافي بتقوم متعافي
5- بعد المعروف ضرب كفوف
6- ما يعلم حالك الا ربك وجارك
7- الانسان بالمحضر ومش بالمنظر
8- باع عمارة واشترى حمارة
9- الدار دار ابونا واجوا الغربية طحونا
10- من خان صديقه احترم عدوه
11- من عذب لسانه كثر إخوانه
12- ان غاب القط العب يا فار
13- حط العدس وانفخ تحته ما اعطل من الخال الا ابن اخته
14-العز لرز والبرغل شنق حاله
15- صار للشرشوحة مرجوحة وصارت تحلف بالطلاق
16- ضرب الحبيب زبيب وحجارته قطين
17- دلع ابنك بيرضيك دلع بنتك بتخزيك
18-في قلبي صدى ما بحبش حدى
19- من طلب العلا سهر الليالي ومن حشى الكوسا لف الدوالي
20- طب البريق على ثمه بيطلع الولد لامه

يسلمواا ورود الحياة موضوغك مميز

شكرا امثال بتخلينا متواصلين
مع عادات ارضنا لو بالامثال
في عندي وحدة اذا سمحتيلي بدي حطو وبظن
ان هاد المثل فلسطيني
<ياما جاب الغراب لمه>
ياريت تتقبلي مروري بين كلمات موضوعك المميز
تحياتي لك