بالبال موال وجرح على البال

بالبال موال
وجرح على البال
عن اسى
عن ظلم
عن الم
عن وجع طال
بالبال يا خال
غصة
غصة شعب برا
خارج ارض حرة
ومين يتزكر
شبح متل النار
بايده حمل خنجر
وطفل بدير ياسين
راسم حزن صبرا
وجرح كفر قاسم
وعاش بشاتيلا ومات بالزعتر
بالبال يا خال
اسئلة وموال
عن حاقد لئيم
عن جزار
دخل جوا المخيم
وشبع السكين
من لحم اطفال
ذبح صوت الفجر
ولما البلد عتم
تكافأ على اللي صار
وعلى الدم اللي سال
بالبال يا خال
نحافظ على اللي انبنى
الغم يرجع هنا
ننده قريب بعيد
يلا سوا لنعيد
كل اللي انكسر
نغير
انعدل
انبدل قادة وامم اشرار
بتتغير الاحوال
بالبال يا خال
نخلي الصعب سهل
نرجع بيت الاهل
وندعم اللي فاز
وانتصر عالجهل
نشوف الشعب انتصر
بشوية صغار
حملوا بايدهم حجر
قاوموا المحتل
واجهوا الاخطار
بالبال يا خال
كل الامم تسمع
عن شعبنا الجبار
عن ابن بلد يرفع
علم استقلال
فجأة بلمح البصر
لما يشوف الشجر
من الارض ينشال
بتحول خطر
بالبال يا خال
اسئلة والغازعن فارس اللي اغدر
ومحمد الدرة
وطفل مات بغاز
وعن بنت متل القمر
شوهجمالها رصاص
ونار من مدفع
بالبال يا خال
نعرف الغدار
غير اللي اغتصب ارضي
غير اللي من شعبي
الغرب عندهم شرق
حتى اليمين شمال
خانوا وباعوا المبادئ
بحقد وسفالة ومال
والزينة عندهم عار
همي اللي بحوا الصوت
وزروا التاريخ
بأيام مرة
بتاريخ مسخوط
لونوا الحدود
فرقوا العربان
وبعدوا المشوار
تصار هيك الحال
دايماً يا خال
نخلي ونخبي ويضل
بالبال موال

يا عين ع الابدااااع

كلماتك بغاية التالق رغم بساطة مفرداتها الا ان وقعها مدوي ولها وقعا بالنفس...

فعلا كلمات رااااائعة جدا ...


صدقت بحسن تعبيرك عن واقعنا المرير والمؤلم ....



استمر بتالقك وتميز شذى حبر قلمك ....


فمستقبلك زاهرا بالشعر ...



تقبل مني مودتي واحترامي


تحياتي