امثال شعبية فلسطينية لفصل الشتاء

امثال شعبية فلسطينية لفصل الشتاء

* خبو خشباتكو الكبار لعمكو اذار

* خبو الفحمات الكبار لهدرة من هدرات اذار

* خبي جمراتك الكبار لعمك اذار

* اللي بدو مرته تعيش يوقدها حطب عريش واللي بدو مرتو تموت يوقدها حطب توت

* حطابة البسوة خمس قطع ما تسوى

* الشتا في الصليب المطر طروحات

* إن أجا الصليب روِّح يا غريب

* إذا حفل أبو سعد بطل الرعد

* السنة مرحبة والثريا مطير

* المطر البدري طريح

* إن أوسمت على عيد لِدْ أحرث وقد

* إن هدر الرعد إرمي واندم ولا تظل بلاش وتندم

* عيد لد يا مطر بيهد يا صيف بجد

* الشتا بعود والصيف بعمود

* أجا المطر يا طالبين الغلا وشعيركو اللي بيضبو تاكلو في العزا

* في عيد بربارة النهار ياخد من الليل غباره

* عيد بربارة يطلع المطر من خزوق الفارة

* في البربارة طلعت المي من قدوح الفارة

* المربعانية يا شمس تحرق يا مطر تغرق

* أصلك ومطر الكوانين
* الشغل في كانون أسلم ما يكون

* أجا كانون ولف الفحم والكانون

* في كانون كن وعالبعير حن

* في كانون الأصم بيشخ الحمار دم

* سقعة الشعير بترمي البعير

* في كانون الأصم اقعد في بيتك وانطم

* في كانون الصحو فيه ظنون

* ما بين ميلادة والغطاس لا تسافر يا ابن الناس

* بين مغطاس وميلادة سوي لراسك جلادة

* بين مغطاس وميلادة سوي لراسك لبادة

* بعد كانون الشتا بيهون

* شباط ما عليه رباط

* شباط جر العنزة بالرباط

* سرحنا أول شباط عا زرعة العنبات

* في شباط بيعرق الأباط

* سعد السعود بتمشي المي في العود

* بدور المي في العود ويدفا كل مبرود

* راح شباط هالخباط ما أخد مني عنزة ولا رباط

* أخويا يا آذار اربعة منك وثلاثة مني خلي وادي العجوزة الحزين يغني

* شهر شباط لا يخلي عنز ولا زلاط

* مر شباط لا اخد عنز ولا زلاط

* لا تعد غنمك يا شاوي تيمرق التسعاوي

* ضب غنمك يا شاوي لما يمرق التسعاوي

* لن هل قران التسعاوي تفقد غنمك يا شاوي

* سعد الخبايا بتطلع من الأرض الخبايا

* شباط شبطنا وربطنا وروايح الصيف أجتنا

* شباط الخباط يشبط ويخبط وريحة الصيف فيه

* إن هل الدارون اطلق جملك يا مجنون

* في آذار بيتساوى الليل والنهار

* شمس الربيع تؤذي الرضيع

* في آذار العجوز ما بتفارق النار

* اذار شمس وامطار وينشف الراعي بلا نار

* بين العقرب والنيساني ارفع غطاك الفوقاني

* اذار ابو الزلازل والأمطار

* اذار فيه سبع ثلجات كبار غير الزغار

* في اذار ينشف الراعي بلا نار ويرمو الجزر للحمار وتمطر سبع مطرات

* خبو خشباتكو الكبار لعمكو اذار

* خبو الفحمات الكبار لهدرة من هدرات اذار

* خبي جمراتك الكبار لعمك اذار

* اللي بدو مرته تعيش يوقدها حطب عريش واللي بدو مرتو تموت يوقدها حطب توت

* حطابة البسوة خمس قطع ما تسوى

* حطابة الشيح بتاوي فيه قرش صحيح

* حطابة البر بتسوى تسعة وتسعين عبد وحر

* خاف على دودك من دواير القمر، وان دورت الشمس تباشر بالمطر

* الثلج ملح الأرض

* كل غيمة بمزتها

* سحابة صيف عن قليل بتنقشع

* إن أرعدت أبعدت وان أبرقت اقربت

* برق شمالي ولا برق قبلي

* إن أبرقت من الشمال بيجيك المطر من الشمال

* إن أبرقت رضواني تباشر يا خالي

* ما كل بارقة تجود بمائها
* إن استرق غيمها أثلجت

* الغطيطة فراش الشتا

* سنة تندي ما تردي

* إن أثلجت أفرجت

* كل غيمة وخيرها معاها

* لو بدها تشتي لغيمت

* إن غيم سماها ابشر بماها
* في الشتا تقل فراشك وخفف غطاك

* النار فاكهة الشتا واللي ما يصدق ينصلي
القي البرد بالجرد

* اتقي البرد ولو بخلقة جرد

* دفاها ولا مرعاها

* الموت ولا فراق الموقدة

* الدفا عفا
* دقاق الشيش ومعاط الريش بدور بلاقيش

* ادلعي يا خبيزة ما في الخضار الا انت
* مطر الخماسين رد الإبل في مشاتيها زود الابعادي ولا حوار فيها
* شتوة نيسان بتحيي الإنسان

* النقطة في نيسان بتساوي كل سيل سال

* الشتوة في نيسان جواهر ما الها اثمان
* الرايب للحبايب والزبدة للنسايب والميص للمتاعيس

* لو حطو الدريس عا الدريس لا بد من مطرة الخميس

يسلمو كتير اختي على روائع ما قدمتي
يعطيكِ الف عافية على جهودك الرائعة
تقبلي مروري

من طرف **سناء** الخميس 12 مايو 2011, 11:49 am

الامثال الشعبية من تراثنا الفلسطيني ...يمتاز بالحكمة والموعظة من خلال سرد المثل الذي يكون بسيط وسهل ويتصف بالايجاز مكون من بضع كلمات ومدرج باللهجة العامية الفلسطينية

تناقلناها من جيل الى جيل من اجدادنا وآبائنا الى يومنا هذا ...
فوراء كل مثل قصة طريفة تحمل بطياتها الموعظة والحكمة والعبرة

فجميل منك اختي الحبيبة ادراجها هنا بصفحات ذاكرتنا الفلسطينية لنحتفظ بها ...
فلك كل الشكر والتقدير على موضوعك المميز

تقبلي مني كل الاحترااااام والتقدير
دمتي ودااااام الوطن

امثال شعبية فلسطينية لفصل الشتاء 204026360

اشكركم اخواتي
ورود الحياه و سناء
على مروركو العطر بصفحتي
بالالحان شاذيه تترقص بالالحان وطنيه
اسعدني تواجدكم و ردودكم
نورتوااا صفحتي

من طرف **زكريا رافع** السبت 14 مايو 2011, 4:24 pm

شكرا جزيلا اختي .... مجهودك كبير ..شكرااااااااااااااا
تقبلي مروري
وبزيد شوي من بعد اذنك

إبعد عن الشر و غنيله

إذا انت أمير و أنا أميرمين بيسوق الحمير

أكثر من الهم ع القلب

إن عاشرت عاشر أمير وإن إلبست البس حرير و إن عيروك بشي يكون يحرز التعيير

إن كبر إبنك خاويه

إجا مين يعرفك يا بلوط

إجو ليحدوا الخيل مد الفار رجله

إضحك بعبك

إطعم التم تستحي العين

أكل الهدية وكسر الزبدية

أهل الميت صبروا والمعزيات كفروا

أوعد اليهودي بالكفن بيموت

آخر العنقود سكر معقود

من طرف **عاشقه فلسطين** السبت 14 مايو 2011, 5:15 pm

امثال رائعه

يسلمو كتير حبيبتي

ومشكور اخي زكريا ع اضافه

دمتم بكل ود

زكريا رافع كتب:
شكرا جزيلا اختي .... مجهودك كبير ..شكرااااااااااااااا
تقبلي مروري
وبزيد شوي من بعد اذنك
إبعد عن الشر و غنيله

إذا انت أمير و أنا أميرمين بيسوق الحمير

أكثر من الهم ع القلب

إن عاشرت عاشر أمير وإن إلبست البس حرير و إن عيروك بشي يكون يحرز التعيير

إن كبر إبنك خاويه

إجا مين يعرفك يا بلوط

إجو ليحدوا الخيل مد الفار رجله

إضحك بعبك

إطعم التم تستحي العين

أكل الهدية وكسر الزبدية

أهل الميت صبروا والمعزيات كفروا

أوعد اليهودي بالكفن بيموت

آخر العنقود سكر معقود

العفو ولو
وشكرا لك اخي على هذه الاضافات الرااائعه
و شكرا لمرورك العطر
نورت صفحتي
امثال شعبية فلسطينية لفصل الشتاء Images?q=tbn:ANd9GcSSmy8Gt_CzPxUPAJWpc1fDlrq4jJ5y9nsQZBs6ZfsMK5tCs8NLVg

امثال شعبية فلسطينية لفصل الشتاء Images?q=tbn:ANd9GcSSmy8Gt_CzPxUPAJWpc1fDlrq4jJ5y9nsQZBs6ZfsMK5tCs8NLVg

عاشقه فلسطين كتب:امثال رائعه

يسلمو كتير حبيبتي

ومشكور اخي زكريا ع اضافه

دمتم بكل ود

الله يسلمك يارب
وشكرا لمرورك العطر
نورتي
امثال شعبية فلسطينية لفصل الشتاء Images?q=tbn:ANd9GcSSmy8Gt_CzPxUPAJWpc1fDlrq4jJ5y9nsQZBs6ZfsMK5tCs8NLVg

امثال شعبية فلسطينية لفصل الشتاء

امثال شعبية فلسطينية لفصل الشتاء

رد: امثال شعبية فلسطينية لفصل الشتاء

رد: امثال شعبية فلسطينية لفصل الشتاء

رد: امثال شعبية فلسطينية لفصل الشتاء

رد: امثال شعبية فلسطينية لفصل الشتاء

رد: امثال شعبية فلسطينية لفصل الشتاء

رد: امثال شعبية فلسطينية لفصل الشتاء

رد: امثال شعبية فلسطينية لفصل الشتاء