معاناه الشعب الفلسطيني

من طرف **ورود الحياه** الأحد 19 سبتمبر 2010, 3:50 pm

ساكتب على السطور معاناه شعب لطالما زاد ذكره بلعصور
فلسطينه نعم انا فلسطينه و افتخر باني فلسطينه باني من بلاد الشام باني عربيه
باني مسلمه تقيه باني احب الخيرو مساعده الاخرين,,,, و باني اكتب لكم موضوعي هذا
ساكتب عن معاناه الشعب الفلسطيني و اهل الشعب الفلسطيني الصامدون في وجه العدو
هنا نحن في فلسطين نفتخر بعيشتنا في وسط هذا البلد و اينما كنا المهم ان نكون موجودين بوطننا الحبيب
رغم ان العيشه هنا نوعا ما صعبه ,,,اولا لغلاء الاسعااار بشكل متزايد فكل شيء تحتاج شراءه يكلفك كثيرا اكثر من ما كان في السابق وهذا يسبب غلاء المعيشه و متل ما بيحكوا اهل فلسطين "ما في شغل" ما حد عماله بيشتغل متل ايام ومان و صار انو الشب لما بدو يتزوج بيتكلف كتير لدرجه انو بيشتغل ليل نهار
و احيانا بصير اضراب للمعلمين و الموظفين لعدم توفر الرواتب
ثانيا الاحتلال سبب من اسباب غلاء المعيشه لانو بتعرفوا محاسيم و البضاعه بدها 100 اشي لتوصل على حسب ما بسمع وراق و اشياء بخصوص البضاعه خليني اتكلم شوي عن اثر الاحتلال و كيف بنعاني منو
المحاسيم او الحواجز الامنيه التي يوضعها الاسرائيليون
يعني متل كانوا فلسطين مقسومه نصين الضفه الغربيه و القدس و الناس اللي بتكون ساكنه بلقدس بتاخد الهويه الزرقاء و اللي هي هويه القدس و الناس اللي بتكون ساكنه بلضفه بتاخد الهويه الخضراء او البرتقاليه و اللي هي هويه الضفه و اللي بيكون حامل هويه الضفه ما بينفع يدخل على القدس الا بتصريح طبعا لمجرد مكان العيش و لون الهويه ,,,,,وغير هيك التفتيش للهويات و صناديق السيارت و ازا شكوا بشخص بيفتشوا و مخالفات السيارات للي بيكون ماشي بسرعه و اللي مش حاطط حزام الامان كلو بيدفعوا عليه الفلسطينين مصاري "فلوس" ,,,,,,و اوقات كتيره بتكون الحواجز فيها كتير سيارات و طبعا لازم تنتظر ليجي دورك لو شو ما كان معك ولو كان عليك موعد ,,, و لما يوصل لعندهم بيفتشوه متل ما كتبت فوق و بيطلعوه ازا لاقو كل شي تمام متل ما بيقولوا و الضرب و الاهانات اللي بتصير ازا حد قلهم كلمه ما عجبتهم,,,,,,الله بعين على الظالمين
وغير المستوطنات اللي بيوضعوها في جميع انحاء فلسطين
كتير بنعاني من هاد الوضع السيء غير الاغتيالات و الدمار و قتل ابرياء,,,,,,نحن ابناء الوطن العربي اصحاب النزاع الذين يحولون طمس هويه العربي و لا اثر لها باي ورقه او مؤتمر او حتى اذاعه تلفزيون يعني لو ما في بايد العدو سلاح ,,,,,كان ما بنشوفهم اصلا نحن الفلسطينين سلاحنا ايدنا
""الصبر مفتاح الفرج""
ثالثا معاناه الطرق و الشوارع اللي بتكون بدها تصليح او اللي بيكون فيها الشارع مصلح بس بدو تنظيف
بس حاليا في هاد الوقت تم تصليح الكثير من الطرق
رابعا المشاكل اللي بتصير بين العرب نفسهم سواء بلشوارع او على المحاسيم انو ازا حد ما التزم بدورو و سبق عن بقيه السيارات او بسبب الحركات فتح و حماس و غيرها,,,,, لاي سبب من الاسباب هاي بتاثر كتير يعني لانو طبعا العدو بيعجبوا هيك اشي ,,,, حسبنا الله و نعم الوكيل
طبعا المعانات كتيره و انا حبيت اتكلم عن المعانات اللي المؤثره بشكل كبير
وفي معانات اخرى كهروب الطلاب من المدارس و عيشه الفقراء الصعبه و اللاجئين الفلسطينين الى بلدان عربيه مجاوره الذين يتمنوا ان يمسكوا بتراب الوطن و الله يحقق لهم امنياتهم وان ان العوووده حق لهم

و اعدكم بموضوع اخر عن فلسطين و موقعها وكل شيء بلتفصيل
وشكرا للجميع ,,,,,,مع تحياتي

سلمت يمناك اختي
على موضوعك المثير والذي بغايه الروعه والمثير للانتباه
ودمتي ابداعا في مواضيعك
وتقبلي مروري
ونحن بانتظار مزيدك ,,,

الله يسلمك و شكرا لكي على مروركي المعطر ب الالحان الجميله

من طرف **عائدون** الإثنين 20 سبتمبر 2010, 8:56 pm

شكرا لك ورود الحياة على نقل معاناة الداخل

هذه هي حياتهم وهذه حياتنا جميعنا نعاني ولكن هكذا شاءت الاقدار فالى متى نرجع احرارا

من طرف **tarshehagirl** الإثنين 20 سبتمبر 2010, 11:20 pm

موضوعك اختي ورود الحياة اكتر من رائع ولا اجد الكلمات المعبرة عن مدى اعجابي بفكرته اتمنى من الجميع الحرص على مثل هالمواضيع لانو نحنا بحاجة ماسه الها اولا لنتعرف على الواقع الماساوي بالداخل وثانيا لنقف بعض الشي الى جانب اخواننا في الداخل ولو بقليل من المشاعر والاحاسيس مما يزيد من المحبة والاخاء ثالثا ليتعرف العالم كله على الواقع الفلسطيني على طبيعته بدون مجلات او صحف او فضائيات بل بكلام صريح يخرج من قلب كل فلسطيني بالداخل ليصل الى قلوب الجميع مباشرة اشكراك جدا اخت ورود ونحنا كمان لازم نحكيلكم عن واقعنا اللي منعيش فيه اكيد مش احسن من الواقع تبعكن فالاحوال من بعضها نحنا شعب خلق للكفاح والنضال والشهادة والثبات والعزيمة على انو ما بضيع حق و ورا مطالب ونحنا على مقولة ابو عمار شعب الجبارين

وبدي انوه كمان على موضوع مهم جدااااااااا بالنسبة للشعب الفلسطيني وانت ذكرتيه وهو خلافات الفصائل الفلسطينية كتير حابه انو تكون مواضيعنا بتحكي عن هيك شي لانو نحنا فعلا بحاجة لنثبت ونقوي بافكار الشباب كلهم انو نحنا فلسطينية وبس ومافي فرق بين حماس او فتح او .... هاد برايي اكبر مشكلة واجهت وعم تواجه لحد الان الشعب الفلسطيني كله في الداخل والخارج واكبر ثغرة عم يقدر العدو انو يدخل منها ويخرب فينا

اسفة للاطالة ويسلمو على الموضوع وبتمنى افكاري تلاقي صدى جيد عند الجميع

موضوعك بيجنن
عنجد يسلموووووووووووووووووو

اشكر كل من مر على صفحتي هذه و اضاف اليها كلمه مفيده و عطر جميل
واختي بنت ترشيحا يسلمووو ايديكي
بارك الله فيكم جميعا
فلسطينين و بدنا نحمي البلاد انا عربيه و هويتي فلسطينيه و افتخر بذلك
و يا اقصى ما يهزك ريح ,,,,,ما يهزك ريح

بارك الله فيكي اختي

موضوع متميز للغايه
اتمنى من جميع اهتمام بهكذا موضوع
فلسطنيه وافتخر ولي مش عاجبه ينتحر ويكتب على قبره مات من قهر

معاناه الشعب الفلسطيني

معاناه الشعب الفلسطيني

رد: معاناه الشعب الفلسطيني

رد: معاناه الشعب الفلسطيني

رد: معاناه الشعب الفلسطيني

رد: معاناه الشعب الفلسطيني

رد: معاناه الشعب الفلسطيني

رد: معاناه الشعب الفلسطيني

رد: معاناه الشعب الفلسطيني

رد: معاناه الشعب الفلسطيني